2010/12/27


لما اتكلم عن حقيقة واضحة زى ان الست هي اللي مسئولة عن الولادة  و تعريف الولادة هنا مش الأولاد و البنات و كده تعريفها هي كل جديد سواء اللي عمله راجل أو ست متقوليش رجعى الموضوع للدين لأن الدين بينظم علاقتنا و يعرفنا حدود ربنا بس اكيد مبيتحكمش فى ازاى بنشوف الدنيا و متقوليش الكلام الجاهز بتاع ديننا فى كل حاجة

دينا مفيهوش فيزياء و كيمياء و احياء
يبقى مفهيوش فلسفة و منطق و تاريخ

اللي اعرفه انك المفروض تعمر الأرض بالطريقة اللي أنت شايفها صح ( راجل أو ست )اللي متتعارضش مع حدود ربنا ,ربنا لما أتكلم عن الراجل و الست فسر علاقات يومية وحقوق و واجبات مش نظرة مجتمع و احترام و مهما الست عليت تفضل ست و كأن ده شىء غلط انها ست.

فانا بدّور على ناس مصدقة إنها كاملة لا محتاجة رعاية و لا محتاجة حد يساعدها بس محتاجة حب و تفهّم

و كمان بدور على راجل بيدور على واحده عايزاه مش محتجاله و شايفها كاملة و اذا محتاجين حاجة فالكفة موزونه. هوا محتاج لها قد ماهى محتاجه له. فا لو سمحتوا بقى محدش يضحك عليا تانى بكلام مستفز من عينة بخاف عليكى و الست كائن رقيق محتاج حد يراعيه و ياخد باله منه ,,,

الست مسالة عن الولاده نقولها ازاى طيب؟؟


بدور على راجل مصدق فيا قد ما هوا مصدق فى نفسه و اللى لا مؤخذه لسه مصدقش كفايه يتفضل يركب حمارته و يبداء رحلته الفكريه و لما يكملها هيصدق ان الجمال فى كل حته و اكيد اكيد ... فى دفعة جمال مضاعفة جوا الست , عشان الجمال و المعجزات والسحر اللى باقى فى الدنيا ... ست افهموها بقى و متعصبوناش  بقى؟؟


فمادامت فكرة اللامساواه بين الجنسين متأصلة الجذور فى مشاعر الناس فأن قوة الحجة ضدها يزيدها رسوخا بدلا من ان يزعزعها ذلك لأن الناس عندما يقبلون فكرة ما بناء على حجج معينة ,فان دحض هذه الحجج يهز اسس الاعتقاد…
فيتفردوا ..و يتنوا … ويقولوا كلام فاضى كتير و بصوت عالى عشان …. خايفيين

الجزء الاول استعباد النساء لــ جون ستيوارت مل

2010/12/19

ياما و ياما

ياما في أسئلة ملهاش إجابات
و ياما في إجابات يلزم لها سؤلات
و ياما في رحلات
و كمان في حكايات

و ياما عدى علينا وفات 
وياما اتكلفت و كسلت وياما مات
جوانا حاجات 

حاجات هبلات 
وغيرها مهمات


افيشات تصاوير رسمات
لبنات حلوات 
تقليد مضروب للأصليات


و ياما كنت و كانوا ... و كانت ازمات
كان فى محطات 
اكشن ...رعب.. و شغل السينمات
ربكات افشات و حاجات تاهت 
ومهيش راجعات

و فى حكايات من غير قفلات
من غير طعم و لا حبكات
ضاعت برضه وسط حاجات

2010/12/09

عجز




اللى جوايا مش عارفة اقوله
والكلام مش كفايه 
عجز كبير 
بيمد جذوره
بيغير شكلى
و بيرمينى جوه حفره من الاكتئاب
اه
طويله و من جوه اوي

2010/12/08

بدى ارجع بنت صغيرة



نفس البنت صاحبتى اللى كنا لسه من مفيش بنلف نشترى حاجات فاضيه و اعدى عليها من بعد الدرس ... هى البنت اللى رحت انا و هى نختار الشبكه الاول قبل ما تروح مع عريسها ... نفس البنت اللى اختارت معاها فستان الفرح ... و اللى وصلتها لحد بيتها ... نفس البنت الى كنت امبارح بمشيها عشان الدكتورة قالت لازم تتمشى ... اللى فى خلال كام يوم هتكون معاها بنى ادام كامل مسؤله عنه 

كان جويا احاسيس كتير و ضد بعض ... احنا صغيرين لسه و بندور على ايس كريم ولسة مش عارفين حاجات كتير و بنفرح لسه بنفس الحاجات الصغيرة.

ازاى العمر بيجري كده ! و ازاي بنتغير كده ! وازاى محناش عارفين نفرح مع ان المفروض غير كده

طب يعنى انا اللى لوحدى صغيرة مع انى من جوايا عارفة انى معدتش زى الاول , مع ان اللى حصل مع صحابى فى السنتين الاخرنيين دول كتير و مع ان اليوم اللى بيعدى دلوقتى بقى كانه زمن... لسه على قد ما اقدر بحاول ارجع احلم و اتخيل الخيلات البسيطه و اتمنى اننا نرجع نفرح زى زمان

طيري يا طيارة طيري يا ورق و خيطان
بدي ارجع بنت صغيرة على سطح الجيران
علي فوق سطوح بعاد عالنسمة الخجولة
أخدوني معهن الأولاد و ردوا لي الطفولة
ضحكات الصبيان و غناني زمان
ردت لي كتبي و مدرستي و العمر اللي كان
و ينساني الزمان على سطح الجيران
لو فينا نهرب و نطير مع هالورق الطاير
تا نكبر بعد بكير شو صاير شو صاير
يا زهر الرمان ميل بهالبستان
تا يتسلوا صغار الأرض و يحلو الزمان

و ينساني الزمان على سطح الجيران
 

2010/12/07

التناقضات

  رغم كل الموجودات

الزعيق

و السكات


رغم كل الحكايات

اللى لسه

و اللى فات


رغم كل الامنيات

اللي عايش

و اللى مات


رغم كل الامكانات

الامل

والاحتمالات




رغم انك بين كفوفى
جوه قلبى و زي طيفى


رغم انك لساك بعيد 
رغم انك انت ...انت
زى ما انت
تايه اوى لكن عنيد


  لسة 

 
شايفاك فى المرايا

 بستناك كل ليله 


بحلم بنفس الحكايه




2010/12/05

طبق جيلي احمر كبير بالموز

الناس سعات بيعدي عليها معاني الكلام و سعات تانيه مبيعرفوش يقولوه اصلا, يعني لما اقول انا هسعدك ده يعني ايه؟؟؟
ده معناه إني هعملك طبق جيلي احمر كبير بالموز , مش لان الجيلي هو احلي حاجه حلوه ممكن تاكلها و لا لاني احسن واحده بتعمل جيلي في الدنيا... بس لاني مبعرفش اعمل غيره ولما اعمله, هعمله بمنتهي الحب , هعمله وانا بتمني انك تفرح بيه و يعجبك, هعمله و انا مبسوطه زي ما عمري اتبسط قبل كده , ولاني هتمني انه يكون احلي طبق جيلي احمر بالموز أكلته في حياتك و هو المفروض يكون كده فعلا ... بس عشان انا اللي عملته و عشان أنت عارف كل الأماني و الأحلام اللي وراه...
عشان الجيلي يعني التفاصيل, و التفاصيل تعمل حكاية و الحكاية بتفاصيلها هتصبرنا علي بعض , عشان الحكايات لما بتكبر بتعمل حكايات تانيه صغيره , و عشان بعد العمر نلاقي حاجه نحكيها و لما نحكي نتبسط بالحكايات اللي تعبنا فيها و احنا بنبنيها ...
الجيلي معناه الورد بتاعك أول مره و التمشيه اياها لما طالت , الجيلي ذي الخناقه الاّخرانيه و اخر مره زعلنا و ازاي اتصالحنا الجيلي يعني التفاصيل اللي مهما كانت صغيره و بسيطة هتفرق معايا...

2010/12/04

Too difficult and too complicated



They usually say, you are too demandive, you are asking for too Much,I believe I am not,

I guess i am the Girl who Needs a Shoulder...

They say girls need protection , Don't buy that, If I asked  for a Hug, It is not that i don't feel safe, It is that i need to feel your Heart beats by Mine...

I may ask you to hold my hand while crossing the Street not beacuse i can't but because i want to feel your warm Hand and see your Footsteps by Mine...

They say girls only want to marry, to get a Man to the isle, But in Fact girls want a story to tell, ideas to share, Memories to make, a Story that is Mine...

They say that Girls are too difficult and too complicated, I guess if asking you to read my unwritten words is difficult and asking you to listen to the simple song that i play in my Head is complicated, then i am too difficult and too complicated...

2010/12/01

ظلمنا الحب

 
 
أنا وانت ظلمنا الحب

أنا وانت .. ظلمنا الحب بإيدينا

وجينا عليه .. وجرحنا .. لحد ما داب حوالينا

ما حدش منا كان عايز .. يكون أرحم من التاني

ولا يضحي عن التاني

وضاع الحب ضاع .. ما بين عند قلب وقلب ضاع

ودلوقتي لا أنا بنساه ..

ولا بتنساه ..

ولا بنلقاه .. أنا وانت

أنا وانت

***

أنا وانت اللي كنا زمان :

أحب اتنين .. وأحن اتنين

وكان اكبر خصام بينا .. يدوب ف يومين

يادوب ف يومين

خصامنا ليه النوبة دي زاد ..

وخلا الخطوة بينا بلاد ..

وفرقنا على طريقين ..

وضاع الحب ضاع .. ما بين عند قلب وقلب ضاع

ودلوقتي لا أنا بنساه ..

ولا بتنساه ..

ولا بنلقاه .. أنا وانت

أنا وانت

***

أنا وانت .. ظلمنا الحب بالحيرة

وجبنا للظنون سيرة

وقطعنا الأمل مرات .. ما بين الشك والحيرة

وكان الحب بينا كبير .. صغر لما ابتدينا نغير

وبردت نار .. وقادت نار ..

وبرضه مشينا ف التيار

وضاع الحب ضاع .. ما بين عند قلب وقلب ضاع

ودلوقتي لا أنا بنساه ..

ولا بتنساه ..

ولا بنلقاه .. أنا وانت

أنا وانت

***

أنا وانت نسينا ..

حتى نتعاتب .. ونتصارح

وعز عليك تسيب العند وتسامح

وعز عليا أكون البادي وأتصالح

وأصبح كل يوم بينا .. يفوت أصعب من امبارح

نسينا رقة العاشقين .. نسينا واحنا مش داريين

نسينا إزاي .. كدة نسينا ؟

وإيه ده اللي جري لينا ؟

وضاع الحب ضاع .. ما بين عند قلب وقلب ضاع

ودلوقتي لا أنا بنساه ..

ولا بتنساه ..

ولا بنلقاه .. أنا وانت

أنا وانت