عن الثالثة و العشرين

تعودت أن أتمني.

اتوقع جدا أن تحقق أمنياتي.

اعرف مهزلة العام الجديد .

اعرف تلك الحسابات الغبية.

لازلت احلم نفس الأحلام.

انقلها من قائمه عام للذي يليه.

انقلها بأمل...

أثق في خيالي أنها ستتحقق.

و لكني مع العام الثالث و العشرين اسأل؟؟

يا رب ...اسأل؟؟

يا رب ... أثق؟؟

عن الفراشات .

أري الفراشات دوما.

اعرف بوجودها.

اعشق ألوانها و تفاصيلها الجميلة.

تذكرني دوما بالاربيسك و بمكتبي الذي أتمناه.

تعلو الفراشات و تبتعد.

تمنوا لي أجنحه جديدة ...يا رب

عن الكعب العالي.

أراه مختلف ألان...

هو...فستان احمر عاري الكتفين.

يكشف عن ساقي..

أغطيها بشرائط ستان سوداء...

تلتف حولها كشجرة عنب...

موجات شعري و احمر الشفاه...

رقص غجري و موسيقي صاخبة .

عن ذلك الذي لم يأت بعد.

أخاف أن أضع فوق أكتافك أنصاف الأماني.

أنصاف الحكايات و أشباه القصص.

أخاف جدا من أنصاف الحكايات و أشباه القصص...

لي زمن طويل اجري باتجاه تلك الأنصاف علي أمل أن تكتمل...

فاذا جئت ترفق بالأدوار التي تمنيت أن تلعبها ...

ترفق بالتفاصيل و الأماني الوحيدة.

افتخر

انا افتخر بنضارتي

انا افتخر بجيبي الطويله اللي بتجر في الارض

انا افتخر بكتبي و جرانيني

انا افتخر بشنطتي اللي قدي مرتين

انا افتخر باني مبحطش كحل غير لاني طالبه معايا اعمل كبيره

انا افتخر ان وزني 45 كيلو و طولي 152 سم

انا افتخر ان عمري 23 سنه و لسه بعرف اعمل حاجات كتير كنت بعملها طول ال 23 سنه دول

افتخر جدا كمان

الصبا حا ت

تختلف الصباحات

و لا اعلم سر اختلافها حتي هذه اللحظة

أحيانا اعرف السبب... لماذا لم اعد أراها

مثلما تعودت أن أراها؟

لماذا أصبحت تضغط على كلما زاد اختلافها؟

أحيانا

أتصور انه لم يعد يهم اختلاف الصباحات .

أتصور انه ثمة خيال اخترعته أنا عن كون

الصباح مرتبط بالأمل

لا اعلم لماذا تبدلت الصباحات ... ؟

أم لماذا تبدلت تلك العين التي تري الصباحات؟؟

غريبة

غريبة

الأيام لا تعرف الصحبة

الصحبة لا تعرف الدوام

غريبة

و العمر أدمن النسيان

و القلب امن بالأحزان
 

الطرقات لا تتغير

المشاهد نفسها تتكرر

و البشر...

البشر لا يتعودونني...

غريبه

في دنيا لا تعرف التعود

لا تعرف التواطوء أو التمرد

الغربه

لا تخفي ضوء عيوني

لا تستر وشمي الغجري

لا تعترف بنسبي

غريبة

احبس شرر فراقك

نار وحدتي و فراشك

العب لعبات فرديه

أصاحب شخصيات خياليه

و الغربة لا تعرف الرحمة

الأيام لا تعرف الصحبة

وقلبي

قلبي امن بالأحزان

عمري

عمري أدمن النسيان

Xceeders ...i will miss you

الحاجات اللي هتوحشني

كتير و مش عارفه ابداء منين كلكوا... الالش و الهس و الضحك و الحكايات اللي انا وانتوا عملناها و الاسرار و الحاجات الصغيره بس الكبيره…

هبه السيد:السندوتش و الموبايل و الالش اللي هي عايشه فيه و جدعنتها و وقفتها اللي بميت راجل و الكلام اللي مش لازم اقوله وهي عارفاه و الحب اللي جويا ليها.

مني حامد: و الدموع اللي بتوزعهاو شويه الاحاسيس و المشاعر اللي حيلتها و خوفها علي الناس التنيين و مشاعرهم و هي فاهمه بقي...؟

هبه الشريف: و الطريق من والي التحرير...هبه الللي عماله فيها امي اللي بتسمعني ...و الكام كيلو اللي خسناهم و مش عارفيين نرجعم تاني.

ايمان كتكت: و ده اسمها من ساعه ما عرفتها تقريبا و عرفتها دي بقي هي الحكايه دي اول واحده عرفتها في اكسيد من اول يوم و الغريب بقي لا انا اثرت عليها و لا هي اخدت اي حاجه مني و احنا الاتنين مطلعيين عين شامه بس بطرق مختلفه ؟ و الله يكون في عونه بقي….

ساره: يعني اجدع واحده في دو ...يعني اجدع حد اصلا شوفته في الكام سنه اللي فاتوا...يعني الحكايات اللي تلاقيني بحكيها معاها , يعني الزمالك و الديوان و الشروق...يعني شويه العقل و الصبر و الفرامل اللي كانوا مصبرني و ال communication skills

بذكرها يبقي محمود : محمود شامه و الافش عليه و حقي و قانون العمل و جدعنته و الحاجات الكتير اللي فيا اللي هو لسه معرفهاش عني و يمكن عمره ما هيعرفها بس علي فكره كلها communication skills

وبسنت و ساره و هاله و كل ال team هتوحشوني

يوم الجمعه في وسطكوا و التصوير اللي معندناش غيره و التابعي اللي علي ما بيجي نكون متنا من الجوع, والكافيتيريا و الاسانسير اللي عمرهم ما اشتغلوا صح و وسط البلد في الفجر ,لا قبل الفجر كمان اللي يمكن عمري ما هشوفهم تاني.

يعني وديده: لما حضنتني ساعه لما اول مقال ليا نزل في الدستور, و مصطفي و enjoy your shift اللي هو مصدقها.

و زيزو النتن و تورته دينا و هبه عابدين والعيد ميلاد اللي ملحقتش اكمله...

الناس اللي مشيت بس كنت مستحمله عشان انا في نفس المكان...

مصطفي و البلطجه عليه وانه استحمل مني كتير بصراحه ...دينا دسوقي اللي من بعدها محدش بيقلي يا بيتي بان و لا بيقعد يقولي خليكي بنوته و الحاجات دي اللي انا مليش علاقه بيها...دينا جاد و سواقتها المتهوره علي المحور بقي و شيفت الساعه سته معاهم كلهم يا ناس.

و سيلنتروا وسط البلد اللي كل ما هدخلوا هفتكركوا و هفتكر ال meeting بتاعنا و الباقي هبه عارفاه ؟؟؟

يعني راس السنه و ال monitoring و السنه الجديده اللي هتبدا في خلال كام ساعه وال back up بتاعي و الباقي ...انتو عارفينه.

و الناس اللي مش هنا في النوت برضه معايا الجديد منهم و القديم ...اللي لسه عارفاه و اللي من ساعه ما دخلت دو ... اللي فاكرني سيطره و اللي فاكرني بيتي بان...هيوحشوني

كل ما امسك موبيلي وكل ما البس كعب و كل طقم بناتي و كل ما احط كحل ولا روج و كل ما اغلط و اقول عفوا علي التليفون و كل ما اسمع الافيه بتاع القريه الذكيه اللي في شرم الشيخ...هتوحشوني

هتوحشني السنه دي ...حتي ضغطي الواطي و الاكل لوحدي و السجاير اللي كنت باعمل نفسي باشربها مع النسكافيه في الAUC ... عارفه انها اطول سنه في عمري و عارفه اني كبرت ميت سنه فيها , عارفه الحاجات اللي هقدر عليها و عارفاكوا....ياه هتوحشوني يا عيال

ازيك

كنت ماشيه كائني وريا الدنيا كلها, خايفه احسن الناس يمشواعليا, مش مفكره اوي راحه لفين بس ماشيه ,المشي من غير هدف بالنسبه ليا شيء في منتهي الامتاع… حاجه كده زي الشاي بالبن الساعه 2 بالليل, من غير سبب بس جميل , اليوم ده مكنتش محتاجه اعرف السبب, بس كنت حاسه انه يوم مهم..؟ و انا ماشيه... لقيت عيني وقعت عليها, لقتيني وش في وش كده شايفاها

يا خوفي ابقي حبك بالايام اللي جايه

اتهرب من نسيانك ما اطلع بمريا

حبسي انت و حريتي انت

و انت اللي بكرهه واللي بحبه انت

عينيا علقت في عينيه , معرفتش اغمض حتي و لا ابص في اي حته غير عينيه , مكنش حلم , و لا امنيه كانت بجد, حقيقه حلوه مسكره… مشيت لقدام ,مشيت بس مش علي الارض , مشيت و مشي ,مديت ادايا و مد ايده

- ازيك

- الحمد الله

- عارفه يعني ايه ازيك؟؟الف...احبك, ز...زي الهوا, ي...ييييياه , ك...كنتو فين من زمان

بجرب اني انسي بتسرق النسيان

بفتكر لاقيتك و رجعلي اللي كان

و تضيع مني كل ما لاقيتك

- تاكل ترمس؟؟

- اه

- بتحبه ؟؟؟

- اه اوي

حبيتك انا حبيتك

glasses & long skirts

The girl with glasses in long skirts
You may think her alone, 
Or that she can’t find home,

Does she helplessly have to roam?

The girl with glasses in long skirts, 
What do you know about her secrets? 
The girl has always made up her mind, 
For what they say she wouldn’t mind,
 The girl knew what they couldn’t, 
Her choices may not always be that right,

 

She may love motor bikes, 
Red roses also she likes, 
Being feminine is not in her shoes,
 High heals also she wouldn’t choose, 

The sky is already near to her, 
The air also brushes her hair, 

The girl with glasses in long skirts,
 What do you know about her secret?

لوحدي

الاوقات اللي بقضيها لوحدي عماله تزيد , فراغات بيني و بين الناس , بيني و بين الحاجات و بيني و بين نفسي

نفسي

و نفسي دي بقي حكاية لوحدها ,مع اني في الفترة الاخيره معرفش غيرها أو نقول مبكلمش غيرها حاسة إني عماله استغربها ..عارف لما تكون ساكن مع شخص في حاجه كده زي اوضه مقفولة عليك و الشخص ده كل يوم يلبس وش لحد ما في وقت بتشك انك عايش مع شخص واحد ...أو انك عايش أصلا ؟؟؟

عارف لما تتوه في طريق منتش مستمتع بيه حاجه كده شبه التور بتاع عم جاهين عمال يلف و يلف و عمره ما بيوصل ...

الطريق

عارف لما الطريق و التوهه يكون مالهمش معني مالهمش طعم , عارف طيب شكل الغربة بين الناس و الوحده وسط الزحمه و الدوشه ,و الجري و أنت مش عارف ليه؟؟ مستعجل علي ايه ؟؟ يعنى هتوصل فين و ان اتاخرت ايه اللي هيحصل

زمان و مش زمان اوي لما كنت بتوه عمري ما كنت بازعل, بحس ان عيني بتجدد نفسها , انا بتوه كتير و كل مره باوصل بعد ما اكون اتمشيت شويه و شفت حاجه جديد كانت التوهه كل مره ليه طعم جديد ليها شكل المكان بتسيب ذكري و حلم و امل ان الزياره تتكر... بس دلوقتي بقيت اخاف اوي لما اتوه و مبقتش متاكده اوي اني في الاخر هوصل....

الزمن

حاسه ان سني بيزيد و عمري غصب عني بيكبر و انا بكره لما الحاجات تبقي غصب عني . . . السن ده الطريقه الوحيده اللي الزمن بيغلبنا بيها دايما, ممكن نستمتع بالوقت لفتره طويله فبشكل ما بنغلب الزمن بس حتي الوقت ده اللي احنا بنستمتع بيه بيسحب من رصيد عمرنا صحيح بيزود حاجه علي زكريتنا و سعات بنشوف الزكريات الحلوه دي علي انها دليل علي ان الوقت مخبيلينا شويه زكريات تانيه و سعات الزكريات هي هيها يتبقي كائنها مطلعه لنا لسنها و بتقول مش راجعه تاني....