انفرد ألوانا و قصور
أياما و شهور
انفرد
انفرد أبوابا معابر
طرق و حكايا
شظايا و بذور
فجرا
انشق ينابيع و بحور
اروي الزرع
احى القلب
اُسمِع الغناء
معك انفرد
أعطيك مفاتيحي و أغمض عينى
أهديك أسراري و اتسمع نبضي
اتركنى
بلا أمل .. بلا قلق
و تبدءا الحكاية
دون حذاء مفقود
اوعصي مسحور
دون عربات
دون مواكب شمسية
و عشاق مهاويس
دون أقزام سبعة
أو مرآة متملقة
دون خيالات عن نهايات سعيدة
أو قبلة تُعيد الأمير و تهزم الوحش
انفرد بلدانا بلا حدود..
2 comments:
جكاية شعب
قلنا هانبني وادي اجنا بنينا السد العالي
وف بارليف عدينا وخدناالتار الغالي
ولا خوفنا نابالم رهيب
زرعوه الملاعين جوا الأنابيب
ولا جسر سلاح من امريكا لتل ابيبب
واستشهدنا بالالافات
ردينا كرامتنا ف ست ساعات
طول عمرنا كنا رجالة ف الازمات
سوا رجالة او ستات
لكن فجأة الريس ........مات
يادين الكبارات
والتعلب سابه وفات
واستولى على كل الخرفان والمعزات
وف ديلة مكتوب 30
اسود سنوات
خدنا من الدار للنار
وقعنا ف بعض وهات ياشجار
اشي اخوان بيعض ف سلفي
مسلم ومسيحي على طول ف نقار
والستات ضد الرجالة
الملكة ضد الشغالة
وحشيش بانجو حبوب او بودرة
حتى الفول هربان مالقدرة
عيش تطفيش والميه مافيش
وشاويش نازل ف الناس تلطيش
والطيار عايش في الجنه...واحنا ف نار
لامم حواليه حبة اشرار
واكلين الدنيا ف كروشهم
ولا بيحوشهم دين ولا رجمة
وشوشهم كالحة ومكشوفة
مش مكسوفة
وعشوشهم طوبها جماجمنا
مدهونة بدم الساكتين
باعوا بلادنا م السما ..... للطين
ماسابوش فيها غير الساكتين
والساكتين عاشوا ساكتين
لكن ما ماتوش ساكتين
نطقوا
بالذوق وبقوة حق
نطقوها وقالوا لأ
ينطقوا ويقولوا بخ
تلقى الفرعون بينخ
ينطقوا كلمة سلمية
يجروا كل الحرامية
ينطقوا : كلنا اخوات
يهربوا كل الأغوات
والتعلب بعد ما فات
وف ديله مليارات
طب ونزل البير ولا اب
بيعيط آل ايه انا منكم
والقبر يلمني انا وانتم
طمعان في سماح
وبراح يختم فيه ايامه
ويلم عياله قدامه
ياخي.....................
فيه كام كلمة قبيحة تعبر عن احساسي؟؟؟؟
ولا سبعين مليار شتام
يكفوك يا حرامي الاحلام
يابن الليل الاسود
وردئ الايام
د / خالد علام
الرياض 16/2 /2011
موال جمع وطرح
كان ياما كان
كنت زمان باحلم بالحمص والرمان
والناي .. واللمه .. والاحضان,
.....
كنت باحبك ,
وباحب النيل,والليل.... والشعره في ديل الخيل ,
والميل على كتفك ,, والمواويل.
كنت صحيح بارتاح على صدرك ...ارضع منه الطيبه..وكلمة ود,,ورد الشوق بالشوق...وسلامك
كنت باعيشك , وباشوفك ,,وبانامك,,
ومنامي .. حلمي .. كان دايما عشه في حضن منامك,
كنت بالملم كل طروف البسمه التايهه ....واغزلهالك
لكن فجأه..............................
فجأه لقيت النيل متعكر؟؟؟
صدرك حجر
لبنك مرر.
مررتيني ,,,,,شرحتيني,,,,جرحتيني ,
نزيتي من كل عروقي,, نزفتك..دم اسودت كوره البيضا وكوره الحمره,,,
حنى بواقي صفايحه...................صد ت.
ليه كده .....مالك.....؟؟؟؟؟
خرفتي
شختي؟
والا فسختي كل عهودك؟؟
هو السوس لو ينخر عودك .......مين هايعودك غيري؟؟؟؟؟؟؟؟؟؟؟؟؟؟؟؟؟؟
ايوه؟؟؟؟ مين هايعودك غيري؟
حتى بعد ما فضيت منك كل عروقي............
لقيتك انت عروقي.
يا تفوقي ..................
ياتهيلي كل ترابك فوقي
............................................................................................
وقالو زمان :
كل حياة سرها في المية,
والمية جاية من نيلي,
والنيل حالف عالفيضان,
والفيضان خد مني عيالي ,
والعيل ميت عطشان ,
وقالوا زمان :
واحد زائد واحد يطلع كام ؟؟؟؟
طب واحد جمعوه على همه ... يطلع كام؟؟؟؟؟
طب واحد ..............طرحوه ................... من أمه
يفضل كام ؟؟؟؟؟؟؟؟؟؟؟؟!!!!!!!!!!!!!!!!!!!!!
يفضل كان ياما كان
كنت زمان باحلم
كنت زمان ..
خالد علام
المنوفية 2002
Post a Comment