تأجيل

و مأجلين حياتنا بإيدنا 

مطمطوحين بين المواعيد 

ما حد عارف امتى راح نوصل؟؟   

و ليه قلبى فاكر نفسه لسه عنيد؟؟ 

مربّطين عيونا و سنينا 

في ساقية قاسية و عفية 

نخاف نصحى نلاقي مفيش 

ايام تانية نفرتكها و منسية 

  

متكلفتين بأغنية فى الراديو 

بتمشية مع الاصحاب 

متربطين في بعض بالذكرى 

دا اخر واحد سيبناه تاب 

و مروَّحين 

بلا عنواين 

و لا مفاتيح 

و لا لمة بتستننا 

و تترحم على هوانا 

و بنلملم صور لينا 

شَبهنا 

لسه بتضحك ... تمنينا 

  

و نتكعبل فى ناس ياما 

تقوينا روح حرة 

و روح تسرقنا و تنسانا 

و روح فيها شبه منا 

نروح و تروح 

و شايلين حته منها جوانا 

و شايلين حته منها جوانا   

    ش