الشتا :
الشتا بحلاوته و سحره ده كلام فاضى هو يعنى عشان الصيف عندنا بقى رهيب ده يخلى الشتا حلو . الشتا ناس متعبية جوه الهدوم و مش قادرة تصحى و حزنهم على فراقهم البطانية اكبر من فرحتهم باليوم الجديد . عيون مقفلة و كوفيات و ايس كابات و جواكت و الناس متكلفتة متلخفنة ... قال يعنى احنا ناقصين لخفنه.
الشتا قزاز العربيات متقفل و شبابيك البيوت و ستايرها و احنا عندنا مليون حاجة و سبب ندّارى و نتخفى بسببهم مش ناقصين الشتا كمان. الشتا يعنى شبورة و غيام و تحس فجاءة ان الشوارع عجِّزِت و كان الشجر بياخد نفّسه بالعافية . يعنى مفيش شمس, عارفين يعنى ايه مفيش شمس ؟؟
الشتا يعنى سقعانه و و عايزة انام و كل يوم اروح علشان يدوب اتكلفت و انام ولا خروج بقى و لا حتى اروح لإيناس. ده كفاية ان الساعة تبقى خمسة و الدنيا ضلمت . الشتا هو الموسم الرسمى للاكتئاب اصلا.
و اخيرا المطر : صحيح المطر خير و انا بحبه بس بكره الشوارع الكام يوم اللي بعده و بكره النزول و الطلوع و كل اللى ليه علاقة بالشارع.
- ملحوظة اخيرة ... انا لما بسقع بترعش و بفقد تركيزى و بيبقى كل اللى نفسي فيه هوانى انام.
2 comments:
akheeeeeeeeeeran la2et had ykrah el shita zayi . thanks Iman ;D
asli la2et elnas kolha mabsoota ya3ni we ana ta3bana we sa23ana we 7atly zeft :)
Post a Comment