ابتسامة الفيس بوك

امر عبر صور اصدقائي و صور اصدقاء اصدقائي فاجدهم كلهم ينظرون مباشرة لي مبتسمين ... تشتد دهشتي ! هؤلاء هم اصدقائي الذين احادثهم هاتفيا - لأستحاله اجتماعنا طبعا - هؤلاء هم الذين يمطروني و امطرهم بوابل من شكوي الاحوال

امر عبر صوري فاجد شيء ما يصر عبر الصور ان يثبت اني لازلت قادره علي الابتسام و الاستمتاع بايامي , انا لست بصدد تقييم هل استمتع حقا ام لا و لكني اسال لماذا اذا التاكيد.اعيش او لا اعيش , سعيده ام لا؟؟هل يهم هذا حقا احد غيري؟

انا لا اطلب من اصدقائي ان يطلوا علي في الواقع مثلما يفعلون عبر صورهم على الفيس بوك و لا اطلب ان يكفوا عن تاكيد سعادتهم و استمتاعهم بها و ذلك علهم يوماّ يصدقون صورهم, و لكني لم اعد اصدق البسمات عبر الصور, لم تعد بالنسبة لي اكثر من روتين يومي نثبت به لأنفسنا و للعالم اننا لازلنا نعرف طريق للسعاده

اقولها لي و لكم ليست كل صوره مبتسمه دليل على سعاده و ليس كل الذين يظهرون متعانقين في الصور اصدقاء

و يكفيني ان تقولوا لي افتقدناكى و اقول لكم بل انا افتقدتكم اكثر
ارجوكم لا تفتقدوني

لأنكم لو تعلمون ... صوري اكثر بهجة مني

و حين تروني حقا ستتفاجئون من الندبات التي خلفها ضوء الكاميرات على وجهي

ايها المؤكدون على سعادتكم ... المفتقدين لي دائما 

تمتعوا بزياره صوري فأنها تخفي كم اشتقت لكم 

و كم اتمنى لو بكيت على صدوركم

زيارة سعيدة

 

A7mad Mounib ::: 3eshareya - احمد منيب ::: عشارية

, تفتكروا في كتير ممكن يقول نفس الكلام ده لمراته

بشكل مرعب

انا و بشكل مرعب
خايفه مني اني اهرب
انا و بشكل مرعب
غصب عني بابقى أغرب
و انا و بشكل مرعب
قلبي تايه لم يقرب
 

شايفه نفسي من بعيد
من ورا ازازي العنيد
شايفه واحده لابسه لبسي
بتناديها الناس باسمي
بيشفوها اهدي مني
 و يشفوها بنوته عني
ما يشفوني و غصب عني

انا و بشكل مرعب
قلبي جوا ضلوعي يرعد
و شي ورا الوانه يبعد

املي تاب خاف ل يعند

صوتي فين ... هرب لفين؟
و شعري ده و لا حنين؟
صريخي ده ولا انين؟
و انت ايه؟
اّخرتها ايه ؟
و روحي ايه؟

جويا ايه؟

عملت ايه؟

انا و بشكل مرعب
خايفه انك مني تهرب

الاختيار اللي هوا

الالاختيار و الحب

امبارح اتسالت سؤال بجد معرفتش هوا صعب اد ايه غير لما اتسالته

اختار ايه الحب بكل الحاجات اللي مش مظبوطه اوي ولا اختار العقل و الحاجات المظبوطه

صحيح انا مستعده او هكذا اقول اني اتجوز و اعيش من غير لا حب و لا حاجه بس انا عارفه في  قرارة نفسي - حلوه قرارة - ان ده كما يطلق عليه البعض قصر ديل بس انا لسه مصدقه اني ممكن برضه احاول في الحوار ده

امبارح بقى لاقتيني بختار الحب لاقتيني شليفه واحده صحبتي مبسوطه و اول مره بتقول بتحب لاقيتها مكسوفه و بتعيط

لاقيتها بداري اسمه و بتروح بدري عشانه و مش قادره تكدب عليه

سواء انا شايفه ان الحاجات دي صح و لا لأ بس ملهاش في النهايه سبب غير الحب

الحب ... الكلمة اياها اللي طول العمر بندور على حد يشاركنا فيها

بيتهيألي من حق الحب علينا انه لما يجيي نختاره

و نحارب و ندور بجد على سعدتنا

الدنيا مش هتستفيد مننا ابا و احنا تعسا

الجواز مش هوا الحب

الجواز سنتين تلاته حب

لأ خليني مقولش اي كلام

الجواز مش كله حب و في حاجات بتعكننه و هتفضل تعكننه سواء اللي اتجوزا دول كانوا بيحبو بعض و لا لأ

يعني النكد جاي جاي في مرحله ما ايه اللي هيحصل لو حسبتها حسبة اني عايزه اكون مبسوطه و انا باكون كده فعلا مع الحد ده و مش مع اي حد تاني يبقى من حقي اعيش معاه مادام مفهيوش حاجه بجد تمنعني و اللي بيحبني بجد لازم يقف جنبي و لازم اكون اجرا لاني بحب

معرفش الكلام شبه اسامه منير شويه بس ده بجد

 لو كان الحب حلمي في يوم من الايام يبقى لازم ادافع عنه

لاني كده مش هبقى اى حاجه غير اني جبانه

و الدنيا و كل الناس اللي بيحبوني مش هيستفيدو بيا فيحاجه

و انا جبانه

حاجه اخيره لازم اقوي بجد

الحب

عطش أبو بكر الصديق

يقول سيدنا أبو بكر: كنا في الهجرة وأنا عطشان جدا ، فجئت بمذقة لبن فناولتها للرسول صلى الله عليه وسلم، وقلت له: اشرب يا رسول الله، يقول أبو بكر: فشرب النبي صلى الله عليه وسلم حتى ارتويت!!

لا تكذّب عينيك!! فالكلمة صحيحة ومقصودة، فهكذا قالها أبو بكر الصديق ..

هل ذقت جمال هذا الحب؟انه حب من نوع خاص ..!!أين نحن من هذا الحب!؟

واليك هذه ولا تتعجب، انه الحب... حب النبي أكثر من النفس

يوم فتح مكة أسلم أبو قحافة [ أبو سيدنا أبي بكر ]، وكان إسلامه متأخرا جدا وكان قد عمي، فأخذه سيدنا أبو بكر وذهب به إلى النبي صلى الله عليه وسلم ليعلن إسلامه ويبايع النبي صلى الله عليه وسلم

فقال النبي صلى الله عليه وسلم ' يا أبا بكر هلا تركت الشيخ في بيته، فذهبنا نحن إليه' فقال أبو بكر: لأنت أحق أن يؤتى إليك يا رسول الله .. وأسلم أبو قحافة.. فبكى سيدنا أبو بكر الصديق، فقالوا له : هذا يوم فرحة، فأبوك أسلم ونجا من النار فما الذي يبكيك؟قال: لأني كنت أحب أن الذي بايع النبي الآن ليس أبي ولكن أبو طالب،لأن ذلك كان سيسعد النبي أكثر

سبحان الله ، فرحته لفرح النبي أكبر من فرحته لأبيه أين نحن من هذا؟

ما رأيك في هذا الحب؟

ثوبان رضي الله عنه

غاب النبي صلى الله عليه وسلم طوال اليوم عن سيدنا ثوبان خادمه وحينما جاء قال له ثوبان: أوحشتني يا رسول الله وبكى، فقال له النبي صلى الله عليه وسلم: ' اهذا يبكيك ؟ ' قال ثوبان: لا يا رسول الله ولكن تذكرت مكانك في الجنة ومكاني فذكرت الوحشة فنزل قول الله تعالى { وَمَن يُطِعِ اللّهَ وَالرَّسُولَ فَأُوْلَئِكَ مَعَ الَّذِينَ أَنْعَمَ اللّه عَلَيْهِم مِّنَ النَّبِيِّينَ وَالصِّدِّيقِينَ وَالشُّهَدَاء وَالصَّالِحِينَ وَحَسُنَ أُولَئِكَ رَفِيقًا } [69] سورة النساء

ما رأيك في هذا الحب؟

سواد رضي الله عنه

سواد بن عزيّة يوم غزوة أحد واقف في وسط الجيش فقال النبي صلى الله عليه وسلم للجيش :' استووا.. استقيموا '. فينظر النبي فيرى سوادا لم ينضبط فقال النبي صلى الله عليه وسلم : ' استو يا سواد' فقال سواد: نعم يا رسول الله ووقف ولكنه لم ينضبط، فجاء النبي صلى الله عليه وسلم بسواكه ونغز سوادا في بطنه قال: ' استو يا سواد '، فقال سواد: أوجعتني يا رسول الله، وقد بعثك الله بالحق فأقدني ! فكشف النبي عن بطنه الشريفة وقال:' اقتص يا سواد'. فانكب سواد على بطن النبي يقبلها .... يقول: هذا ما أردت وقال: يا رسول الله أظن أن هذا اليوم يوم شهادة فأحببت أن يكون آخر العهد بك أن يمس جلدي جلدك

ما رأيك في هذا الحب؟

وأخيرا لا تكن أقل من الجذع

كان النبي صلى الله عليه وسلم يخطب في مسجده قبل أن يقام المنبر بجوار جذع الشجرة حتى يراه الصحابة .... فيقف النبي صلى الله عليه وسلم يمسك الجذع، فلما بنوا له المنبر ترك الجذع وذهب إلى المنبر 'فسمعنا للجذع أنينا لفراق النبي صلى الله عليه وسلم، فوجدنا النبي صلى الله عليه وسلم ينزل عن المنبر ويعود للجذع ويمسح عليه ويقول له النبي صلى الله عليه وسلم :' ألا ترضى أن تدفن هاهنا وتكون معي في الجنة؟'. فسكن

ما رأيك في هذا الحب؟

Heathcliff

كنت اعلم أن هذا الجدل القديم حول وجود الأشباح من عدمه له أسباب. قالت لي صديقتي ذات مرة.لابد من أن هؤلاء الذين سبقونا رأوا ما يؤكد وجود الأشباح؟ قلت إذا لماذا لا نراها نحن؟؟. " العيب إذا في العين التي ترى" قلتها متهكمة.و لكنها قالت "ما أدراك لعل أعيينا أكثر جهلا من أعين من سبقونا؟؟ ". قالت أخرى " الأشباح ما هي إلا شماعة أخرى لإخفاقاتنا مثلها مثل نظرية المؤامرة , فإذا تكاتفت كل الدول و الحكومات و الشعوب لابد للأشباح إذا من موقف؟؟ ". ضحكت ضحكة ممزوجة برعب. ماذا إذا كانت نظرية المؤامرة تلك حقيقة...

ركبت الحافلة في اتجاه البيت . كنت أقرأ واحدة من أحب النصوص لقلبي _ مرتفعات وزرينج – كتبته تلك السيدة بلغة شعرية تهزك هزا.أفكر ماذا لو تزوجت كاثرين من هيثكيليف هذا و تركت ادجر . كرهت ادجر و كرهت كاثرين , كرهت غباءها كيف تضيع حبا كهذا و لكني دائما ما تحيرت في هيثكيليف هذا , تمنيت لو أراه . أرى تقاسيم وجهه . و ربما اسكن معه قليلا ." ربما كان هيثكيليف هذا هو الرجل الذي ابحث عنه! " قلتها ذلت مره لصديقتي " "و ربما ستكونين مجنونه مثل كاثرين و تكسرين قلبه؟؟!!" قالت هي.

وضعت رأسي على مخدتي و أنا أغمض عيني كنت قد وضعتني على  سرير نحاسي مغطي بالدانتيل  الأبيض و شبابيك مفتوحة في بناء يبدو من الداخل كقصر ما أو قلعة . تسمّعت وطئ خطوات هيثكيليف أمام بابي و رايته يتأكد من إني نمت و يطمئن علي ...

جلس بجوار سريري . تأمل وجهي تارة, و ابعد شعري عن وجهي تارة أخرى. تظاهرت بالنوم أغويته. اغمضت عيني و بحركات تبدو بفعل النوم رأيتني اغويه, فأزيح طرف غطائي تارة و اكشف عن كتفي تارة أخرى  و لكنه هيثكيليف , رايته يتمنع ثم يعاود النظر مره أخرى. قاومني حقا فعل, بدا في غاية الجهد, ظهرت قطرات العرق على جبينه بدا منهك من فرط مقاومته. سار بعيدا , أغلق الباب خلفه و لكنى سمعت أنفاسه تزامنت مع خطوات مصارع منهك أو كائن خرافي عاد لتوه بجرح من حربه في سبيل البقاء و لكنه هيثكيليف ... لا يصارع هو شيء غير الأشباح . لعله كان يصارع خوفا من أن يكون مجارته لي ستجرح كاثرين أو لعلي أنا كاثرين... لعلي على فراش الموت .

رأيتني أقف أمام شباكي اطل علي الأخضر و دموعي تنهمر على خدي , رأيتني احترق كما تحترق سيجارة لا اعلم كيف وصلت ليدي في هذا الزمن . استيقظت و أنا احمل بقايا دموعي . قمت محملة بحلم الأمس ولكن لحظه؟؟ من قال انه حلم ؟؟؟

ارتعدت لمثل هذه الفكرة . تذكرت حديثي عن الأشباح . طردت الفكرة التي استعذبتها . كانت ليلة أمس ذات طعم خاص . حاولت أن احكي لأصدقائي ما رأيت- خوفي من الأشباح- لكنى كلما استجمعت كلماتي على لساني طارت.

عدت إلى سريري, كان في شدة البرودة نظرت للملاءة. لا اعرف لماذا تعتقد أمي إنني لا زلت احتاج ملاءة خضراء ذات كرات من جميع الألوان. تقلبت فوق برودة سريري , أحسست آلام هروبي طيلة اليوم من ليلة أمس تهد في عظمي و لكنني وجدتني انسل خارج الملاءة إلى السرير النحاسي و الستائر الدانتيل  اكتم أنفاسي و انتظر زيارة هيثكيليف الليلية .

شوفلي عريس

مره ايناس صحبتي قالت لمحمود جوزها يشوفلي عريس, هي مش مره الحقيقه هوا كتير بس مره من ذات المرات دي قعدت تراجع معاه كل اسامي صحابه, اللي متجوز و اللي خاطب و اللي يطلع لا خاطب و لا مصاحب تمسك فيه بأيدها و سنانها و تعرف من محمود عنه كل التفاصيل و بعد كده لو لقيته ها ينفع تعقد تتحايل عليه علشان يقوله عليا, سيبك من استماتتها اللي خلت محمود يشك في اصرارها على جوازي و كأن في فضيحه و بتحاول تلمها . و هي بتحذف من ليسته صحابه الناس اللي انا مش هرضى بيهم كانت كمان بتحذف الناس اللى مش هيرضوا بيا و الغريب على اختلاف الاسباب اللي انا ممكن ارفض بسببها كان في سبب واحد انا هترفض بسببه و هوا اني باشتغل

الحوار كالتالي

ايناس : ما تشوف صاحبك اسمه ايه ده؟

محمود: لا مش هيرضى

ايناس : ليه ان شاء الله

محمود : عشان ايمان بتشتغل

ايناس : اههههههههههه , طيب

مش الغريب طبعا ان الاتنين مقتنعين تمام الاقتناع , الغريب هوا الاقتناع نفسه بان الشغل غلط و يمكن حرام الغريب انهم يشوفوا البنت اللى بتشتغل علي انها استغفر الله العظيم

ردا عليهم

تعرفوا ان 30 % من اسر مصر اللي بتصرف عليهم واحده ست. وده مش لان جوزها مات و لا ميقدرش بس  لا ده يمكن يكون عايش و بيكسب و مبيصرفش و الكلام ده سنه 2006 يعني اكيد اكيد النسبه دى زادت...!؟

تعرفوا يعني ايه قعدة البيت. تعرف يعني ايه تجاوزات, تعرف حدود للتجاوزات دي؟

تعرفوا مثلا أن البنات في السعوديه بتروح كافيهات و مطاعم و تعرف ولاد عن طريق البلوتوث و المطاعم مفصوله الولاد في حته و البنات في حته. طب تعرف ممكن يحصل للبنات دي ايه لو اهلها عرفت , ايه اللي ممكن يخلي واحده تاخد المخاطرة دي , انا مش بدافع عن ناس بتعمل حاجه غلط بس نفسي نعرف ان الغلط في كل حنه.

طب تعرف في امريكا مثلا ايام الستينات : كانت في حمله عملتها شركات مساحيق الغسيل و الاغذيه لتمجيد صورة ست البيت عشان لما الستات اشتغلت الشركات دى كانت بتخصر و بعد ما كانت الست فعلا بتشتغل و حققت مكاسب. عارف ايه اللى حصلهم . جالهم حاله من الاكتئاب و زادت معدلات الطلاق

طب عارف لما واحده مبتشتغلش و تفضل قاعده مع جوزها بس عشان يصرف عليها ده معناه ايه؟؟ هي حاسه بايه؟؟عارف بتبقى بتبيع إيه قصاد إيه؟؟

عارف يعني إيه واحده جوزها مات و مش لاقيه تصرف علي ولادها... هتعمل إيه؟؟

عارف يعني ايه امبارح يبقى زي النهارده. عارف يعني ايه متستناش فرق في بكره. عارف يعني إيه اكتئاب؟؟؟

بلاش... عارف يعني إيه علام و تفتيح دماغ. عارف يعني إيه اصحابي و زمايلي

عارف إن العفة مكانها القلب .. مش في الشارع و لا فى البيت و لا فى الشغل

عارف إن اللي ممكن يحصل لواحدة راح الشغل هوا هواه اللي ممكن يحصل لواحدة بتودي ابنها للدكتور

عارف ان اللي شبهك هم اللي بيسترخصوا الست اللي في الشارع و ميعرفوش ايه اللي نزلها

عارف يعني إيه بكره؟؟ و يعني إيه آمان؟؟ اللي معدتش في راجل خلاص

حاجه اخيرة ...قريت كل هذا الصوت الجميل الذي ياتي من داخلها

خوف

في حاجات بنبان قدمها صغيرين اوي , احلامنا و اكبر مشكلنا و حكايتنا اللي مبتكملش, كل ده بيبان تافه و صغير و بتحس نفسك اد ايه انت عبيط اوي و اهبل . زعلان على ايه , ايه اكبر حاجه مضيقاك يعني

لما ايمان صاحبتي مامتها ماتت شفت أي حاجه مضيقاني على انها تافهه اوي , شفت اكبر همومي و لا حاجه, يعني انا باكبر مشاكلي ممكن استحمل خسارة زي دي...؟؟؟ المهم اني عارفه كويس أوي إن ربنا لا يكلف نفسا إلا وسعها بس غصب عني بخاف, أصل إيمان صاحبتي بابها كان توفى قبل مامتها بكام سنه و برضه ساعتها قلت اكيد ايمان مش هتستحمل بس الحمد لله ربنا قدرها قبل كده زي ما قدرها دلوقتي و بقت هي مسئوله تماما عن اخوتها ,

طب بقى الناس اللي كل يوم تخسر واحد؟؟؟

تفتكر يعني لما أم تخسر ابنها الاولاني خسارة التاني هتبقى أسهل, طب هي كام أم ممكن تتعامل مع الموضوع على انه مش خسارة ,

 الموت و ثقافة التعامل معاه؟؟!!

مره سمعت حد تقريبا كان عبد الرحمن الابنودي بيقول إن استقبالنا للموت بيختلف و إن الناس اللى بجد مبتخفش من الموت ...

أنا بخاف أوي من الموت و مبخافش عليا أنا لوحدي أنا بخاف علي كل الناس اللي بحبهم و بترعبنى فكرة انى اخسر حد فيهم... من كام يوم كده سمعت إن مدرس كان بيديني درس مات ... كان صغير و مفيش حد يغلى على ربنا عارفه ده برضه كويس, هي بصراحه مش اول خساره ليا بس معرفش ليه لاقتنى مش مصدقه و لاقتيني شايفاه في كل حاجه بعملها و لاقيتها تافه اوي و مش حقيقيه . هو عمره ما كان صاحبى مثلا  بس كان بينا حاجه بحق و حقيق . كان بينا خناقه صغيره و كام تريقه كده ... شفت البروفيل بتاعه على الفيس بوك لاقيت كاتب تحت صورته كلمه مرعبه عايز امشي بقى , ولاقيت نفسى مش مصدقه الي شايفاه. البرفيل مليان صور و خروجات و زيه زي البروفيل بتاعي مثلا . اترعبت و لاقيتي ميّته في جلدي . انا عارفه ان مش كويسه اوي مع ربنا ,انا يمكن زفت كمان, تفتكروا لو انا مطمنه علي نفسي ما كنتش خفت كل ده ؟ طب هوا فيه حد مطمن اصلا, مره قريت كلمه بحق و حقيق أوي انه العبد ما بين الخوف و الرجاء  يعني عادي ان اخاف بس ابقى مستنيه من ربنا انه يغفر لي, عارفه انه في فكره ساذجه من نوعية ليه يعني هوا احنا بنعمل اية؟؟ يمكن لو قلت زيهم اننا فعلا مبنعملش خطايا كبيره يعني بس احنا مبنعملش أي حاجه تانية يعني ايه يعني بنشتغل , يعني إيه يعني اكبر انجازاتنا... طب نعمل إيه؟؟؟ و اللي هنعمله ده نلاقيه فين؟؟؟

مره سمعت اوبرا وينفري  و هي كانت بتاخد جايزه عن مجمل اعمالها اسمهاLife Time Achievement   كلمة كبيره اوي برضه و مرعبه , بس في كلمتها في التكريم ده لاقيتها بتقول انها طول عمرها كانت بتدعي ربنا: و تقول ؛Please God Use me  , عمرو خالد كمان في مره قال دعاء كنت تقريبا مبقولش غيرة و أنا ساجدة فى رمضان و هو " اللهم اجعلني ممن يعملون الصالحات" مكنش قصده اننا نعمل حاجات كويسه زي الصلاه و الصوم بس كان قصده فكره اكبر اعمار الارض , كلمة كبيرة برضة و مرعبه .

مره واحد سألني ايه اكبر نعمه ربنا ايدهالك ؟ قلتله التعليم . سعات بخاف أوي من علامي و بخاف أوي من إني عارفة . التعليم برضه مسئوليه باستغرب جدا من الناس- اللي أنا سعات باكون واحدة منهم – اللي بيتباهوا بتعليمهم و أقول لنفسي مجانين دول؟؟؟ مش عارفين قيمة الحمل اللي شايلينه على ضهرهم. ربنا اداني دماغ نضيفه و بعرف أشوف كويس بس برضه دي على قد ما هي نعمه علي قد ما هي حاجه مرعبة ...

عارفة ان الاسئله دي من اكبر الاسئله بس أصل الخوف شيء مرعب و الموت برضه بس المفروض يخلينا نعيد حسابتنا تاني...

لو باتمنى حاجه ... بتمني قلبي يكون متعلق بربنا ... بربنا و بس.

التنورة

التنوره 

التنوره رقصة صدق 

التنوره رقصه منك للسما

الدواير و اللف يعنى الناس

التوهه و الثقه في ربنا

الالوان يعني الاختلاف

التنوره رقصه لازم ترقصها 

بترقصها حتى و انت قاعد بس بتتفرج

التنوره مبتفرقش بين راقص و متفرج

التنوره بتنور 

الوجوه... حين لا تعني شيء

الوجوه

لا تعني شيء

تلك الوجوه

.

.

بلا ملامح

..

لا تجمعنا بها ذكريات

فتبقى ابدآ بلا ملامح

.

.

نظراتهم لا تهمك

و نظراتك لا تخترقهم

كلامك بالطبع لا يعبر بهم

لا يعني كثيرااساك او فرحك

الوجوه الغريبة

لا يمتلكها بالطبع غرباء

فقط هي لا تعني شيء

وجوه بلا عيون

فلا تري فيهم نفسك

و لا في عينك تجد انعكاسهم

وجوه بلا عيون

و العيون ممر ضيق

آخره القلب

القلب إذاّ غير مسكون

 الأشباح

الأشباح أيضا بلا عيون

الاشباح ... بلا قلوب

الوجوه ... ليست لبشر

الوجوه ... قد تدفعنا للجنون