لوحدي

الاوقات اللي بقضيها لوحدي عماله تزيد , فراغات بيني و بين الناس , بيني و بين الحاجات و بيني و بين نفسي

نفسي

و نفسي دي بقي حكاية لوحدها ,مع اني في الفترة الاخيره معرفش غيرها أو نقول مبكلمش غيرها حاسة إني عماله استغربها ..عارف لما تكون ساكن مع شخص في حاجه كده زي اوضه مقفولة عليك و الشخص ده كل يوم يلبس وش لحد ما في وقت بتشك انك عايش مع شخص واحد ...أو انك عايش أصلا ؟؟؟

عارف لما تتوه في طريق منتش مستمتع بيه حاجه كده شبه التور بتاع عم جاهين عمال يلف و يلف و عمره ما بيوصل ...

الطريق

عارف لما الطريق و التوهه يكون مالهمش معني مالهمش طعم , عارف طيب شكل الغربة بين الناس و الوحده وسط الزحمه و الدوشه ,و الجري و أنت مش عارف ليه؟؟ مستعجل علي ايه ؟؟ يعنى هتوصل فين و ان اتاخرت ايه اللي هيحصل

زمان و مش زمان اوي لما كنت بتوه عمري ما كنت بازعل, بحس ان عيني بتجدد نفسها , انا بتوه كتير و كل مره باوصل بعد ما اكون اتمشيت شويه و شفت حاجه جديد كانت التوهه كل مره ليه طعم جديد ليها شكل المكان بتسيب ذكري و حلم و امل ان الزياره تتكر... بس دلوقتي بقيت اخاف اوي لما اتوه و مبقتش متاكده اوي اني في الاخر هوصل....

الزمن

حاسه ان سني بيزيد و عمري غصب عني بيكبر و انا بكره لما الحاجات تبقي غصب عني . . . السن ده الطريقه الوحيده اللي الزمن بيغلبنا بيها دايما, ممكن نستمتع بالوقت لفتره طويله فبشكل ما بنغلب الزمن بس حتي الوقت ده اللي احنا بنستمتع بيه بيسحب من رصيد عمرنا صحيح بيزود حاجه علي زكريتنا و سعات بنشوف الزكريات الحلوه دي علي انها دليل علي ان الوقت مخبيلينا شويه زكريات تانيه و سعات الزكريات هي هيها يتبقي كائنها مطلعه لنا لسنها و بتقول مش راجعه تاني....

Super man

سوبر مان

عمري ما كنت بافهم هوس الناس و الغرب بالذات و بعدهم بالتبعيه طبعا احنا بافلام ذي Supermanو Batman و X-Men و كل انواع المان الخارقين اللي في الدنيا, ليه الناس بدور علي صفه خارقه علشان يحققوا احلامهم ؟؟؟هوا مين الخارق بالظبط بات مان يعني و لا ابن رشد, سوبر مان و لا مارتن لوثر كبنج, و هوا ايه تعريف الشيء الخارق؟؟ يعني علشان احس اني انسانه خارقه لازم اكون من ال fantastic four بفرد جسمي بشكل مطاطي و لا بوقف الزمن, هل لما اوقفه ابقي أعظم ولا لما اقدر عليه كده و هوا ماشي مع نفسه طب فيها إيه لو مقدرتش عليه مره ولا مرتين علي راي الناس الدنيا مش هتقف و لا الزمن طبعا..

طب ليه نادرا جدا لما نلاقي افلام بتحكي عن ستات خارقين , تقريبا مفيش غيرcat woman اولا علشان يعني مينفعش بالعقل كده تكونcat man ,طب هل ده لان صناع السينما دي مبيحبوش الستات أو لا سمح الله هما anti-feminists ؟لا طبعا يمكن عشان الستات معندهاش حلم إنها تكون خارقه , احلام الستات فعلا حتي لو مكنتش بسيطه و واقعيه بس هي احلام برضه بسيطه جدا جنب كل القوي الخارقه الموجوده في الافلام دي , يمكن كمان الستات مبتحلمش تكون Super لانها عايزه راجلها هو اللي super !!!! بس هنا لازم نعرف الراجل السوبر ؟؟

الراجل السوبر هو فعلا George Clooney بس مش في Batman يمكن في Ocean's Eleven و هو لامم ال11 بتوعه بس عشان يرجع لمراته, يمكن احلي حته في فيلم Superman هي الحته اللي بيشلها و يطير بيها ...؟؟

الست عمرها ما هتحلم ب Hugh Jackman و هو wolverine ايه الحلو اوي في اننا ننسي الماضي بتعنا , يمكن الماضي ده احلي حاجه فينا يمكن هوا ده اللي هيصبرنا علي المستقبل؟ يمكن حتي لو امر حاجه هوا اللي هيعرفنا لما نقابل السكر اننا نخدوا بالحضن بس لانه سكر, ولا ايه؟؟؟

طب سوءال اخير هو انا لما اطلع الجني بتاعي و اطلب منه _غير السجق طبعا ابو طاسه سخنه _ انه يجبلي العصفور النونو من قلب البيضه احسن ولا لما اطلع الشجره و اقف اتفرج بمنتهي الترقب علي معجزه الخلق و العصفور النونو بمنتهي الجراءه بيشق البيضه و بيخرج للدنيا السوده ....معجزه دي ولا لاء؟؟؟

احنا حوالينا معجزات كتير ناس خارقه ملموسين و مش حاسين بعجز قصاد أي حاجه. احنا كل اللي محتاجينه عين تتعرف علي المعجزه من قلب الحقيقه...؟

يعني فيلم العصفر النونو يشق البيضه اجدع ميت مره من Batman returns و Batman begins و كل حركات بات مان القديمه دي

الابواب

و تنفتح ابواب الكلام

كل يوم في الموعد بالتمام

يفرد في قلبه لي مكان

اللملم نفسي داخله في امان

احكي حديثي الذي عرفته

واعزف اللحن الذي الفته

انا وحدي التي اتقنته

احجز مقعدي في الصفوف الاولي

و باشاره اصبعي تبداء الصوره

و يبداء هو بسرد الاسطوره

و يرسم وعودا, يرسمني

يمد لي جذورا, يغرزني

اتحقق حلما و خيالا, يبهرني

في العرض دوما جديد

يحمل صورا و خيالات العيد

مع اني احفظه عن ظهر قلب

لا امل ابدا من هذا العرض

اعرف نصه و حواره و موسيقاه

اردد الكلمات قبل ان تنطقها شفتاه

يربكني كيف يبدو جديدا في كل مره اداه

اصمت, افتح عيني عن اخرها

اغرق لا اقاوم المياه و هديرها

التفاصيل

التفاصيل و اشياء اخري

 

 
اعرف ان تفاصيلي جميله

 
و اعرف ان لدي كل الحيله
 

و اعرف انني لم اخف شيئ

و اعرف انك لم تقراء شيئ
 

 

ليس لتفاصيلي تركيبه سحريه

و ليست كلماتي تعاويذ سريه

 
و ليس ما اطلب حمل كبير

 
و ليس فهمك لالعابي امر خطير
 

 

 

العابي ليست مجنونه او غير منطقيه

 
العابي احلام فتاه ,ساذجه لكن ورديه
 

 

 

لم تفتح عيناك لي عن اخرها

 
و لم تترك اذناك لي كي اذينها
 

 

 

و تعلمت درسي كاملا بعنايه

 
قررت ان اخفي باقي الحكايه

 
و لكني اعرف انك لن تقراء شيئ

و لكني اعرف انني لم اخف شيئ,

I left my door open so my muse entered and never left me to sleep, this was written in the OB class no wander, i got nothing

و انا مسافره

و انا مسافره

الاوله...

و انا مسافره , كنت مخنوئه اوي و كنت و اخده قرار منغص عليا حاجات كتير,انا كنت عارفه انه صح بس مكنش سهل و مكنتش عارفه اذا كنت هاقدر عليه ولا لاْ و يظهر اني مش هاقدر قوي عليه...المهم ساعتها سبت مكاني في الاوتوبيس و قمت قعدت جنب السواق علي السلم, بصيت علي الطريق لقيت الاوتوبيس بيشق قلب الصحرا و الدنيا منورة علي الاخر, حسيت اني بتنفس و ان بتفتح ...حاجه جويا كنت بتنور كاءني زدت رئه او كأني فتحت زراير قميصي علي راي منير...

الثانيه...

البحر كان فاضي تماما, مكنش في حد غيرنا و انا طول عمري كانت عندي امنيه اني انام علي الشط , نمت و لاول مره, الميه يدوب كانت بتلمس صوابع رجليا , و الشمس و الهوا كانوا مغطيني,و الهوا بيطير شعري, حسيت اني صغيره اوي و بسيطه من غير عقد و رحت في النوم ,صحيح بس حوالي ربع ساعه بس في الجنه...

الثالثه...

رغبه اخري مكبوته كانت دايما بتجيني بعد يوم شغل طويل, و انا تعبانه كده و مش قادره اتحرك كنت بابقي نفسي اركب حاجه من اتنين اما حنطور و يمشيني علي الكورنيش او موتسيكل ذي اخر لقطه كده في فيلم في شقه مصر الجديده... بس يوم ماكنت راجعه من السفر و في وسط كل التعب و الارهاق ده مكنش نفسي اعمل اي حاجه من دي, بس كان نفسي ان حد معين يعرف ان انا مش عايزه و معرفتش اقوله, انا اصلا مبعرفش اقول اه والله مبعرفش...

الرابعه و الاخيره...

البلطجه و ده طبعا مبداءو الثبات علي المبداء من صفات المحاربيين, انك تسافر شيء عادي, انك تسافر في اجازتك برضه عادي, بس انك تغيب غصب عن عين الكل و تسافر ده شيء جميل و اسمعوا مني محدش واخد منها حاجه, منها هنا لا تعود علي الدنيا انما علي اكسيد طبعا التي اصبحت مسرح كبير...

هل انا هبله بما فيه الكفايه

بقالي فتره بفكر في جمله كل واحد دماغه مريحاه؟؟؟ يعني أنا مثلا مصدقه في دماغي و حاسه ان دي ميزه انك تصدق إن دماغك هتوديك المكان الصح؟؟؟؟بس في سوءال مهم , هل لو عندنا الفرصه اننا نشوف نفسنا بعين تانيه, بعين أي حد غيرنا الي أي مدي الصورة اللي هنشوفها هتعجبنا ؟؟؟ ساعتها تفتكروا كل واحد دماغه هتبقي مرياحاه ؟ كام حاجه هنغيرها ؟؟؟

طب لو عندك الفرصه انك تسمع افكار الناس, مش عن كل حاجه كفايه بس رأيهم فيك, تصور لو عرفت دلوقتي و انت بتعرض أفكارك و في اللحظة دي و مع الناس دول و تحت الظروف دي هما شايفينك ازاي ؟؟؟ يا تري كام واحد هيحس انه اهبل و كام واحد دماغه هتفضل مريحاه؟؟؟؟

طيب ليه ساعات بشوف نفسي جامده اوي و بفهم جدا و سعات تانيه مبعرفنيش و ميعرفش مين اللي بتعمل الحاجات دي ؟؟ يا تري ممكن نعمل حاجه و لما نيجي ندورلها علي المنطق اللي جونا اللي وراها منلاقيش او منصدقش ان ده ممكن يكون جوانا ؟؟؟ ان ده احنا ...؟

ساعات احس انه انا مقسومه نصين نص اهبل و نص جامد و دماغه مريحاه , او علي الاقل عارف ايه اللي مش عاجبه في النص الاهبل الغلس العندي ده...

طيب ليه ساعات بحس باحساس بنوته صغيره راحت الملاهي مع راجل كبير و وقت ما كل اللي بتفكر فيه هوا اللعب و التنطيط, الراجل الكبير اللي غالبا هيكون بكرش بيقرر ميعملش أي حاجه في الملاهي غير انه بس يدخن و ياكل؟؟؟

طيب ليه ساعات بحس ان الرجاله كلهم كفاءة في إنهم ميركبوش البنات مراجيح , مع انه ممكن يركب معها و يشوف قد إيه الملاهي احلي من فوق, يمكن ساعتها يعرف ليه البنات دايما بتحب تركب مراجيح....

طيب ليه الرجاله مبيصدقوش ان غزل البنات ده اختراع غير وجه البشريه و فتح افاق جديده ,و ان كل حاجه في غزل البنات عبقريه من اول اسمه لغايه شكله و اني دايما لما اجيبه لازم اغني اللعب اللعب ....ليه مبيعرفوش يشوفوه علي انه سحابه سكر و سعات كمان بتكون ملونه؟؟

طيب إيه المشكلة لما اشوف إني هبله , عارفه ده كويس و مرتاحه لهبلي اخر حاجه , يعني هما كانوا العقلين اخدوا ايه من عقلهم, ايه المشكله لما ابقي عارفه اني صغيره و معرفش حاجات كتير و مبقاش قادره بجد احكم اذا كنت بتتضحك عليا و لا لاء , ان لسه في حاجات كتير معرفهاش و ان نص معلوماتي عن الدنيا عرفتها من كتاب أما هذه فرقصتي أنا, و اني مش مستعجله اوي علي الباقي و لما تيجي المعرفه دي ده مش بالضروره معناه اني هبلي هيقل و لو شويه صغيره, و ليه دايما لما بفكر في الهبل بيجي في دماغي البنات و السكر و الدلع؟؟؟؟

انفرد الوانا

انفرد الواناو قصور

انفرد اياما و شهور

معك انفرد

انفرد ابوابا و سهول

انفرد معابر و سيول

معك انفرد

انفرد شظايا و بذور

اتخلق فجرا و خمور

انشق ينابيع و بحور

اروي الزرع بماء النور

معك انفرد

اعطيك مفاتيحي و اغمض عيني

اهديك اسراري و اسمع نبضي

اترك نفسي بلا امل في نهايه

و تبداء الدنيا معك في الحكايه

معك انفرد

دون حذاء مفقود

او عصي بالسحر معقود

او عربه الحلم الياقوت

انفرد بلدانا بلا حدود!!!

Dream Deferred

What happens to a dream deferred?

Does it dry up Like a raisin in the sun?

Or fester like a sore--

And then run?

Does it stink like rotten meat?

Or crust and sugar over--

like a syrupy sweet?

Maybe it just sags like a heavy load.

Or does it explode?

Langston Hughes

i feel strange?

some times i feel like i have to confirm my existance , i mean that i should be searching deep down inside my soul for the things that i think i sould be, i should let the writer come out of my heart and lay myself down to the world ,things small and crazy but i should be doing, seriously i need to do something ,i hate to let my self flow in the circle of work which by the way is not going so well, i feel strange, i feel like every thing around me is strange, i am so afraid of that endless all alike days where you only wake up to go work until it is time to sleep,it is not an easy thing to feel yourself lost alone and with noone with a true vision of yourself, why am i so kidding my self ,i want to fall in love to find a new a job or lets say fall in love i wanna feel that heat that people talk about the flavoure of finding something or making a new discovery , do something thatwouldleft my soul up, i really feel strange, and by the way i may do anyhthing to get myself outof that feeling

الاوله و الثانيه

و انا علي المحور بفكر دايما في فكره من اتنين

الاوله

ان انا لوحدي دلوقتي محبوسه جوا علبه صفيح و باروح الشغل اتخنيء جوا (station )او ال(partition )كما يطاق عليها البعض , وشي في وش الكمبيوتر و دماغي كله سماعه و عماله اعد الثواني و الدقايق لحد ما ال(shift ) يخلص و في وسط هذا الزخم من الخنقه و الاحباط بافكر دايما في ان انا دلوقتي مش قادره اسيب عيني الجوانيه تطلع برايا ذي كل مره و تلون الحاجات اللي خنقتني و مسبتنيش لوحدي ابدا, تجيب عفاريتي و مجنيني و تعد جنبي تونسني و الله سعات عيني دي بتيجي تزورني من غير ميعاد و سعات بستناها بالسعات.

الثانيه و الاخيره

سعات باشوف الخضره الي بعد السور الاسمنت بتاع المحور,باعرف افرد جناحاتي و اتعرف علي كل حاجه حلوه حوليا , سعات باعرف بجد افرد جناحاتي و اطير ,اشوفهم و اشوفك , العفاريت النونو اللي ساكنين جوا دماغي يطلعوا براها و يلعبو معايا, الاحلام والخيالات النايمه تصحي و تخدني بره الصحروال floor و الshift و انسي السماعه و انسي الخوف و افتكر بس اني باحلم

السؤال اللي مترباش

و لما كانت الاسئله عماله تتنطط في مخي عن جدوي النجاح و الفلاح في اي مما اعمله, سوي الكتابه, او الشغل , او حتي تلك العلاقه المستحيله, قلت ياواد طنش خالص و متتكلمش, و حينها دخل سوءال بالعافيه علي راسي و قالي لحد امتي؟ بصراحه السوءال ده احرجني اوي مع نفسي! قلت و وشي كله كسوف و النبي يا ابني انا لو عارفه كان ايه حوجني للططنيش, يعني مين عاقل يقول اسيب نفسي كده علي الاخر لسوءال ذيك يبهدلني؟, و علي العموم الحقبه الجايه تحمل و انا لما اقول تحمل يبقي ان شاء الله هتولد, تحمل العديد من القرارات المصيريه, و هو الامر الذي قد يتطلب منا ان نربط الحزام, اكتر ما هو مربوط يعني , علي الاحلام المؤجله, و يعود السوءال ابو لسان طويل ليتساءل لحد امتي؟ فاعرف حينه انه سوءال مترباش فاتركه وحيدا في عزلته المقيته و اخش انام و لكني اتاكد من احكام غلق باب الاحلام عفوا الحمام!

سكر نبات و تبات و بنات

انا عايزه سكر نبات و شقاوه و شغل بنات و اعيشها في تبات و نبات عايزه ورود حمراه منديه و حكاوي عن السكر مداريه و في قلب الضلمه مضويه عايزه لقلبي الاخضر باب يهرب منه علي الاحباب ع اللي اتفرفط منا و ساب عايزه و هاعوز ايه يعني شيكولاته و واحد بيغني وايديه في ايديا و ما يسبني عايزه و رغباتي المكبوته اعلنها زي السفروته و بكيفي احكي الحدوته

حاول

عندما كنت اساله لماذا تصر علي النظر دوما الي وجهي حين لا نتحدث, و حين نتحدث تزيغ بوجهك عني, اروي لك قصصي فلا تهتم اما عند سكوتي اصبح مصدر الهامك, كنت احيانا اسكت اثناء كلامي و حينها فقط كنت تلتفت الي, تبحث عن اي اثر للكلام و حين تتاكد انه لا امل في قصص اخري تستغرق في الظر الي فاعلم انك تضع كلمات علي لساني لم انطقها, تسمعها انت وحدك, ترسم لنفس ذات الوجه مواقف و احداث معك لا اعلم انا تفاصيلها و لكن ثمه حقيقه واحده اعلمها عنها انها لا تشبهني

حاول تقبلني علي حالي

يمكن تتعرف ع جمالي

ياتي صوتك عميق من مكان ما في داخلك مضيء دوما في صمتي و مظلم دائما في حكاياتي , عرفتني حلم صامت و لم تعرفني حقيقه متكلمه, اما انا فقد كرهت معك الحلم و اخذت اغرق في حقيقتي التي عرفتها جميله

حاول تقبلني علي حالي

يمكن تتعرف ع جمالي

شو مخبي بقلبي و اسراري

مايكفيني تحب عيوني

the song is for a singer called 7ekmat

the song is called 7awel

الكعب العالي

الكعب العالي لا يليق لي, فلست من رواده,ثمه شي ما يفرق دائما بيني و بينه, يجعلني الكعب العالي مشدوده القوام منتصبه,اشعر و كاني تحت ضغط ما, يجب الا اسرع الخطي, يجب الا اجري,حتي الملابس نفسها تختلف في الكعب العالي, لا اصلح انا للقواعد,و علي الرغم من الانوسه التي يضفيها الكعب الا ان هناك شي مزيف بها, يطل علي الكعب العالي كما تطل علي فتيات الاعلانات في الشورع, جميله نعم و لكنها تطل من بعيد, من وراء ايدي المصممين و المصففين و اصحاب اللمسات السحريه,انا لست كذلك

فعل الكتابه

فعل الكتابه

كان دائما لفعل الكتابه تاثير خاص في داخلي, لا عجب ان هذا الفعل مسئول عن نهضه البشريه جمعاء, و دائما ما كنت اراني اوضح عبر كلماتي المكتوبه, امتداد مخلد لي عبر الاوراق,امتداد يسهل علي الرجوع له,يسهل علي دائما قرائتني من خلاله , اري كل الاوراق المكتوبه ذات سحر خاص,الناس اكثر جراءه عبر الكتابه,اكثر وضوح و تقبل للاخر, اكثر براءه , الناس لهم العديد من المثل كتابةّ, و الكثير من المواقف,الناس حتي في هجاءها اكثر ادبا و اكثر تعبيرا عبرالكتابه.

i am not afraid of departure

i am not a fraid of deparature, i just see it clearly

people always colour it with different flavours but in the end all they are tring to hide is thier fear of it, i am not afraid , i just see it as it is, oneday will come when i am

so able to tolerate it, simply because i call spain spain

not on top of the moon

my first day at work, yes it is,

and i felt true obligation to write here my feed back , it is actually not an easy task, i'm also so bad at making true statments about those impresions, to be honest i did not feel happy or on top of the moon as i asumed, but i had a state of no specific impressions, any way i think one of the biggest reasons is Gaza and what is happenning there , i couldn't feel a new start while a whole nation is being wiped out of existance, i wish i could really help, but i simply cannot.