الحكاية
قررت انا و Nemo و Pooh -و دي الاسامي الحركيه لأصحابي- اننا نروح نقعد علي النيل شويه في مكان كويس لسه مكتشفينه و اكيد اكيد هفنضل نروحه كتير لحد ما نزهق... بس ميزه المكان ده انه بجد على النيل...
روحنا و في مكان معين سخيف صحيح بس بعيد عن الناس ... قعدنا طلبنا كالعاده ايس كريم Nemo و Pooh اخدوا شيكولاته و فانليا و انا اخدت فروله و فانليا بخاف اطلب فستق في مكان معرفهوش... لسه
متكلمناش وقاطعنا بعضنا ميت مره زي ماحنا متعودين كأننا كنا متفقين منتكلمش... كل ما كنت اغمض عيني اتمتع بنسمه الهوا الصيفي الساقعه النيلي دي... اشوف نفسي بشرب سجاير افتح عنيا بسرعه خايفه لحسن اتمسك متلبسه و انا باحلم بحاجه طول عمري شايفاها غبيه قوي...
كنت بافتح عينيا بمنتهي الرعب, بس طب و بعدين لازم تخرج ا الفكر هدي من مخي.. لازم اغمض براحتي... سكت شويه و لقتني و انا عينيا مفتحه و مفنجله كده شايفه نفسي باشرب سجاير........
يوووووووووووه مابدهاش بقى و كسرت شويه السكوت اللي احنا عاملينهم و نديت للجرسون
انا: عايزه سجاير
الجرسون: نوعها ايه يا فندم
انا : أي حاجه , اصلها اول مره
الجرسون: نعم؟؟
انا: بقولك إيه هات كل اللي عندك و انا اختار
Nemo: انتي اكيد اتجنننتي
Pooh: لا يا ايمان كده ما يصحش
انا: متنساش الكبريت او ولاعه أي حاجه
بجد هتجنن لازم اخلص من الإحساس ده مش عارفه أغمض... دا أنا مش عارفه افتّح حتى!!!
جاب العلبه و اخترتها بالشكل طبعا اشيك واحده و الجرسون قال اختيار بناتي فعلا و بعدين مشي بصينا لبعض....
انا: و بعدين نخلص بقا
فتحتها و ولعت تلاته و أديتهم الأول و بعدين بصينا لبعض و بعدين للنيل و روحنا في سكته ابديه ... شربتها كامله و روحت مغمضه عيني و حسيت بالهوا بس شوفت نفسي و انا ؟؟؟؟ ولا بلاش...
الحكاية دي محصلتش بس ممكن تحصل و قريب قوي كمان ...
No comments:
Post a Comment