صعب اوي على الناس انها تقول جونياتها اللي بحق و حقيق , صعب اننا نشوف احلامنا اللي بجد واللي مبنفكرش غير فيها على انها فعلا احلام. يعنى نبقي بين و بين نفسنا شايفينها بعيده و مش مصدقين انها هتيجي في يوم عارفين الاصعب ايه اننا نكون ملمسين مع شويه الاحلام دول من بعيد فنبقى مش قادرين ننساها و لا بجد مستنينها انها تحصل. مبقتش عارفه امتى ممكن اخلص من شوية الخيالات و الاحبال الدايبه سعات اقول لنفسي لما يجيلي خيال اكبر هنسي او لما ابعد تماما عن الخيال اياه هنسي بس اديني من فكره لغيرها و من احتمال للتاني و لما توه اوي ارجع ازور
بخاف اوي و انا لوحدى و مبعرفش السكه في اخرتها ايه و اكتر حاجه بتوجعني ان يكون نفسي اوي فيه و مش عارفه اعمل في نفسي ايه... نفسي في اللي بجد و الحكايات اللي بحق و حقيق و نفسي فيه هوا و مش حد تاني و باتوجع اوي لما ابقى عارفه ان هوا مش نفسه و اضحك على نفسي بشوية حاجات و انا عارفه اني باضحك علي نفسي و بمزاجي بس اصله صعب اوي انك تعوز حاجه اوي كده لدرجة انها توجعك من كتر ما انت عايزها و الحاجه دي متعوزكش و متشوفش من ورا كلامك اللي انت بتحلم بيه
مزيكا من الجونيات
No comments:
Post a Comment